Auteur : RUTIL Alen
Lè limyè limé asi chenn a pawòl, sa bèl toubònman. Konfèdmanti, mi on bon rékòt a mo é zimaj alarichès, on dékatman a mantalité a péyi-la, on galri a pòtré a moun ka lésé tras pou dèmen, on lison pou nou rété doubout magré jou malè san kenbwa.
An ka kwè sé on tèks nou pé èspwaté asi plizyè kanman. Dabòpouyonn sé on bèl mannyè pou moun konnèt makè-d-pawòl é pawòl maké an lang natal a yo. Aprésa, sé on dokiman nou pé dékatyé pou montré kijan lang-la pé chouboulé-w lè i maké èvè ganm.
Alen Rutil ka pwodui an lang gwadloupéyen menmsi i toujou ka défann nou tini dé lang, kréyòl é fransé. Sé on défansè a lang é kilti kréyòl Gwadloup. Souch a-y Marigalant.