Adan on tralélé souvènans ki ka tonbé yonn apwé lòt, séla ki plen tandrès, séla ki ka fè ri, é déparfwa séla ki ka bay lémosyon, mi Moyiz Benjamin, nou ka kriyé Benzo, ka wouvè pòt ban-nou asi zanfans a-y a Fonkako. Lékòl an tanlontan, jé adan savann é rivyè, véyé alantou a kont, tradisyon a Nwèl, travay a touléjou, moun èspésyal a kawtyé-la ; sé on linivè total ki ka woupwan doubout fap ! adan maké a-y.
Avè volonté a fè moun ri, mé avè pawòl-vérité, makè-d mo la ka fè pòtré a Lagwadloup an bitasyon, otila solidarité, bay koko pou savon épi transmisyon té ka ba lavi balan adan chak fanmi. Sé davwa i a chouval ant ti istwa entérésan é mémwa a pèp-la, ki maké-lasa ka vin touvé-y on témwangnaj alahotè, asi on mannyè moun té ka viv an tanlontan é ki disparèt toutafètman jòdijou.
Liv-lasa Benzo, ti kontè an-nou, ka ban-nou lokazyon fè on létèt andidan souvènans a on nonm ki ka transmèt lamémwa, sé osi on mannyè pou saliyé chapo ba tout nonm é fanm ki pétri nanm a bitasyon Gwadloup.

• ISBN : 9782487953468
• Date de parution : novembre 2026
• Nb de pages : 88
• Dimensions : 12 x 19 cm