Ni pawòl ka travèsé tan. Asifi maké yo pou yo kontinyé viv.
Touné é viré a Tiginé, kolèksyon PAWÒL MAKÉ DOUVANJOU, sé piplis ki on krèy istwakout… Ivèl Lubin ka envité lèktè a-y alévini an péyi Gwadloup, kontré èvè fanm, nonm, timoun, otila yo ké kwazé tandrès, pawòl ka fè ri, kyè flangé, èspwa é silans…
Sé istwakout maké an lang Gwadloup, ka chayé pawòl é mémwa a on pèp é an menm balan-la, réyalité a sosyété jòdi…
Touné é viré a Tiginé sé on déklarasyon lanmou pou péyi Gwadloup, pou lang a-y, pou pèp a-y… Sé on liv pou li èvè zyé, mé piplis èvè kyè… Chak paj a Touné é viré a Tiginé ka fè sonjé : On lang ka viv toutotan yo ka palé-y, maké-y é li-y on mannyè dontokèl… Touné é viré a Tiginé sé mémwa, sé transmisyon, sé éritaj pou dèmen.

 

• ISBN : 9782487953444
• Date de parution : novembre 2026
• Nb de pages : 168
• Dimensions : 15,5 x 22 cm